करमळेच्या तळ्यांत
गीतकार - प्रसाद लोलयेकार
करमळेच्या तळ्यांत
भोंवडेक आयल्यांत सुकणीं
थोडीं आयल्यांत एकोडीं
थोडीं चोंब्यांनी..
पयस पयस सायबेरियांतल्यान
पयस पयस पयस सायबेरियांतल्यान
आयल्यात कुडव पक्षी
कोण?
आयल्यात कुडव पक्षी
रेब्याचेर घालतात नाचत
किदें?
पावलांची नक्षी
साद घालून येवकार तांकां दिला कोंब्यांनी
करमळेच्या तळ्यांत...
बर्फाळ हिमालयांतलो
आयला किरकावळो
कीर कीर कावळो
आयला किरकावळो
सांगात्याक आपयता आतां
आड्डून आपलो ताळो
ल्हवूच ताका हांसत घालता कीर शिवोणी
करमळेच्या तळ्यांत...
शेंपडी हालयत फातरार नाचता
मडवळ कोरीयन
मोडत मोडत उदकांत पेंवता
बदक रशियन
कोकातर तुरू तुरू धांवता
कांट्यांच्या झिलींनी
करमळेच्या तळ्यांत...
निर्मिती - शाणी मस्ती, कोंकणी भाशा मंडळ गोंय
